ကျန်းမာရေးစောင့်ရှောက်မှုသည် ရောင်းကုန်မဟုတ် ကျော်ဇင်မင်း အရေးတော်ပုံဂျာနယ်၊ အတွဲ(၂) အမှတ် ၇ အညာကိုမရောက်တာကြာပြီဖြစ်သော ကျွန်တော့်အတွက် ညောင်ပြာသာဒ်ကြီးကို တွေ့လိုက်ရသည်နှင့် ခံစားချက်တို့ ထက်မြက်နိုးကြား လာလေသည်။ ညောင်ပြာသာဒ်ပင်ကြီးကား ခန်းနားကြီးကျယ်လှသည်။ အုံ့အုံ့ဆိုင်းဆိုင်းရှိလှသည်။ အံ့ဘနန်း ထူးခြားဆန်းကြယ်လှသည်။ ညောင် ပင်ကြီးမှသည် ကြီးမားထယ်ဝါသော အကိုင်းကြီးတွေ အဖက်ဖက်သို့ ဖြာထွက်နေသည်။ ထိုဖြာထွက်နေသောအကိုင်းကြီးတွေမှသည် ညောင်မုတ်ဆိတ်တွေ မြေသို့ တွဲရရွဲကျဆင်းနေကြသည်။ ညောင်မုတ်ဆိတ်တို့သည် အမြစ်မှသည် ပင်စည်အဖြစ်သို့ ကြီးထွား သန်မာ လာပြန်သောအခါ ညောင်ပင်ကြီး အောက်တွင် ညောင်ပင်တွေ အများကြီးပေါက်နေသလို ဖြစ်နေသည်။ ညောင်မုတ်ဆိတ်တွေက ဘယ်တပင်ညာတပင် ပေါက်နေရာ တံခါးပေါက်တွေလို ဖြစ်နေကြသဖြင့် ထိုအပေါက်တွေကို ညောင်တံခါးတွေဟုလည်း ခေါ်ကြသည်။ ညောင်ပြာသာဒ်ပင်ကြီးသည် နန်းတော်ကြီးနှင့်ပင်တူနေသေး တော့သည်။ ညောင်တံခါးပေါက်တခု၏ အလည်တွင် ကျောက်ရေအိုးစင်တခုကို တွေ့ရသည်။ ရေအိုးအသစ်လေးတွေက ရေတွေ စိမ့်ဖြာ စိုရွှဲနေသည်။ ရေအိုးဘေးခင်းထားသောသဲပေါ်တွင် မြက်ပင်လေးတွေနှင့် စိမ်းစိမ်းစိုစိုဖြစ်နေသည်။ ရေကုသိုလ်ပြုသူ၏စေတနာကို စိမ်းစို နေသော မြက်ပင်ကလေး များပေါ်တွင် တွေ့မြင်နေရသည်။ ငယ်ငယ်က အလယ်တန်းစကားပြေတွင်… Read More »

အခြေခံအကြောင်းရင်းကိုမမေ့သင့်ကြပါ ရဲဘော်ဖိုးသံချောင်း အရေးတော်ပုံဂျာနယ်၊ အတွဲ(၂) အမှတ် ၇ ကျွန်တော်တို့နိုင်ငံမှာဒီနေ့ဖြစ်ပျက်နေတာတွေ တော်တော်များများဟာ မျက်စိလည်စရာလို ဖြစ်နေပါတယ်။ ဒီမိုကရေစီစကားတွေ တဖောင်ဖောင် ပြောနေတဲ့အကြားက နိုင်ငံရေးအကြောင်းပြုတဲ့ အပြောအဆို-အရေးအသား အကြောင်းပြုပြီး အဖမ်းခံနေရတာတွေ ဆက်လက် တွေ့မြင်နေရတာ၊ ငွေကုန်ကြေးကျ အမြောက်အမြားခံပြီး ငြိမ်းချမ်းရေးဆွေးနွေးပွဲ၊ ၂၁ပင်လုံညီလာခံကြီးတွေ တခြိမ်းခြိမ်း ကျင်းပနေတဲ့အကြားက တိုက်ပွဲတွေ တရံ မလပ်၊ စစ်ပြေးဒုက္ခသည်တွေ အပြေးမရပ်ဖြစ်နေရတာ၊ ပြည်ပရင်းနှီးမြှုပ်နှံမှုတွေ စီးဝင်နေတယ်ဆိုတဲ့အချိန်မှာ အလုပ်သမားပြဿနာတွေ တိုးသထက် တိုး၊ ကျွန်ပြုခံရ တယ်ဆိုတာမျိုးအထိဖြစ်၊ လယ်သမားမြေ ဆုံးရှုံးမှုတွေ များသထက်များဖြစ်နေရတာ၊ တရားဥပဒေစိုးမိုးရေးစကားတွေ စီစီညံ အောင်ကြားနေရတဲ့အကြားကပဲ ရာဇဝတ်မှုတွေနဲ့ မူးယစ်ဆေးဝါး သုံးစွဲဖောက်ကားမှုပြဿနာဟာ ဆိုးသထက်ဆိုးလာနေတာ- ဒါတွေ ဘာကြောင့် ဒီလိုဖြစ်နေရတာလဲဆိုတာကို ဗမာ နိုင်ငံသားတိုင်းက သိချင်နေကြပါတယ်။ နောက်ပြီး တယ်လီဖုန်းကိုင်တဲ့လူတွေ များသထက်များလာ၊ အင်တာနက်တက်သူတွေ များသထက်များလာ၊ အနေရာရာမှာ ပြည်ပက သင်တန်းတွေပေးတာတွေ များသထက်များလာနေတဲ့အကြားက ဒီနိုင်ငံမှာကျောင်းသားလူငယ်တွေနဲ့ မိဘတွေရဲ့မကျေနပ်မှုတွေဟာ လျော့သွား တယ်မရှိဘဲ ဘာကြောင့်တိုးသထက်တိုး များလာနေရတာလဲ။ ပြည်ပက အကူအညီမျိုးစုံ… Read More »

သို႔- ဗဟိုေကာ္မတီ ၿဗိတိန္ကြန္ျမဴနစ္ပါတီ မွ ဗဟိုစည္း႐ံုးေရးေကာ္မတီ ဗမာျပည္ကြန္ျမဴနစ္ပါတီ ရက္စြဲ။ ၂၀၁၆ ခုႏွစ္၊ ေအာက္တိုဘာလ ၁ ရက္။ အေၾကာင္းအရာ။ ။ ၿဗိတိန္ကြန္ျမဴနစ္ပါတီ၏ (၅၄) ႀကိမ္ေျမာက္ကြန္ဂရက္သို႔ သဝဏ္လႊာေပးပို႔ျခင္း။ ခ်စ္လွစြာေသာ ရဲေဘာ္မ်ားခင္ဗ်ား- ကမၻာ့လုပ္သားျပည္သူမ်ားအေနျဖင့္ နယ္ခ်ဲ႕သမားမ်ားက အရင္း႐ွင္စနစ္က်ဆံုးမႈကို ကာကြယ္ေရး အတြက္ အ႐ူးအမူးလံုးပန္းမႈကို ရင္ဆိုင္ေနရေသာအခ်ိန္တြင္ အေ႐ွ႕ေတာင္အာ႐ွတိုက္ႏိုင္ငံတခုမွ မိမိတို႔က ကမၻာေပၚ႐ွိအရင္း႐ွင္ႏိုင္ငံအမ်ားစုတည္႐ွိရာ ဥေရာပတိုက္တြင္ အရင္း႐ွင္စနစ္ကို ဆန္႔က်င္တိုက္ပြဲဝင္ေနၾက ေသာရဲေဘာ္မ်ား၏ ကြန္ဂရက္ကို ဂုဏ္ျပဳႏႈတ္ဆက္လိုက္ပါသည္။ အင္အားႀကီးႏိုင္ငံႀကီးမ်ားအၾကား စစ္ေအးေခတ္လြန္ကာလ နယ္ေျမလုယက္မႈႏွင့္ခြဲေဝမႈမွာ အဆံုး သတ္ဖို႔ေနေနသာသာ လက္ေတြ႔တြင္ ပို၍ျပင္းထန္၊ ပို၍ေကာက္က်စ္လာသည္ကိုေတြ႕ေနရသည္။ သူတို႔၏ နယ္ခ်ဲ႕အားၿပိဳင္မႈေၾကာင့္ျဖစ္ေပၚလာေသာ စစ္ေျပးဒုကၡသည္ႏွင့္ျပန္လည္ေနရာခ်ထားေရးျပႆနာသစ္မ်ား သည္သမိုင္းတြင္မႀကံဳဖူးေလာက္ေအာင္ မ်ားျပားလာသည္။ ယခုလိုအေမရိကန္နယ္ခ်ဲ႕သမားက တ႐ုတ္ပင္ လယ္တြင္စစ္အင္အားစုၿပံဳရန္ လံုးပန္းမႈေၾကာင့္ တ႐ုတ္ျပည္အတြက္အေနာက္ဖက္တံခါးေပါက္မ်ား႐ွိရာ ဗမာ ျပည္မွာလည္း ဤဝဲဂယက္အတြင္းသို႔ ဆြဲသြင္းျခင္းခံရပါေတာ့သည္။ ကမၻာေပၚတြင္လူဦးေရအမ်ားဆံုးႏိုင္ငံ ႀကီးႏွစ္ခုအၾကားတြင္တည္႐ွိကာ ကမၻာ့အေရးအပါဆံုးပင္လယ္ေရေၾကာင္းမ်ားေပၚတြင္ တည္႐ွိေနသည့္ ကၽြန္ေတာ္တို႔၏ျမန္မာႏိုင္ငံ၏ႏိုင္ငံေရးကို အင္အားႀကီးႏိုင္ငံမ်ားက အၿမဲပင္ မ်က္ျခည္ျပတ္မခံေစာင့္ၾကည့္ေန ၾကပါသည္။ ယခုအခါတြင္ အေနာက္ႏိုင္ငံမ်ား၏ ဗမာျပည္ႏိုင္ငံေရးကို… Read More »

aydb2-6