နိုင်ငံတကာ မာ့က်စ်ဝါဒီတွေပြောတဲ့ ပြောက်ကျားစစ်(ဒုတိယပိုင်း)
နိုင်ငံတကာ မာ့က်စ်ဝါဒီတွေပြောတဲ့ ပြောက်ကျားစစ်(ဒုတိယပိုင်း)ထွန်းဇင်အောင် ပြောက်ကျားစစ် နည်းပရိယာယ်တွေအခြေခံ ပြောက်ကျားနည်းပရိယာယ်တွေထဲမှာ ရှေးအကျဆုံး ဖော်ထုတ်မှုကို ဆွန်ဇုရဲ့ ‘စစ်ပညာ’ ကျမ်းမှာ တွေ့နိုင်တယ်။ ပြောက်ကျားစစ် နည်းပရိယာယ်တွေက ရန်သူကို တပ်ကထွက်ပြေးစေတာ၊ ဘက်ပြောင်းစေတာ၊ ကြောက်ဒူးတုန်စေတာ၊ တပ်မှူးတပ်သားတွေကြားမှာ နိုင်ငံရေးနဲ့လူမှုရေးအရ ဖိအားပေးမှုတွေဖြစ်စေတာ စတာတွေနဲ့ ရန်သူကိုတိုက်ခိုက်တာဖြစ်တဲ့ အဓိကအားဖြင့် မရပ်မနားတမ်း စိတ်ဓာတ်ရေးရာနှောင့်ယှက်မှုကို အားထားတယ်။ ရန်သူ့အရင်းအမြစ်တွေ မနိုင်ဝန်ထမ်းရတဲ့အဖြစ်ကိုရောက်သွားဖို့ရည်ရွယ်တဲ့ အလွန်အနုစိတ်၊ ပျော့ပျောင်းပြီး ဖြတ်ထိုးဉာဏ်နဲ့တီထွင်ကြံဆတဲ့ နည်းပရိယာယ်တွေသုံးကာ အောင်ပွဲရစေတာ ဖြစ်တယ်။ ပြောက်ကျားစစ်နဲ့ အချိန်ဆွဲထားတာဟာ ရန်သူကိုရင်ဆိုင်ဖို့ သမားရိုးကျတပ်မတော်တရပ် ပေါ်ထွက်လာရေးအတွက် သို့မဟုတ် ရန်သူကို စိတ်ဓာတ်ရေးရာအရသွေးခွဲပြီးအနိုင်ယူဖို့ အရေးပါနိုင်တယ်။ အဓိကကတော့ အထက်မှာဖော်ပြခဲ့တဲ့အတိုင်း ပြောက်ကျားနည်းပရိယာယ်တွေက ရှင်သန်ရပ်တည်ရေးနဲ့ အောင်ပွဲရယူရေးမူတွေကိုဆုပ်ကိုင်ထားဖို့ ဖြစ်တယ်။ အကြမ်းဖက်ခြိမ်းခြောက်မှုဆန့်ကျင်ရေး ပြောက်ကျားစစ်က အကြမ်းဖက်ခြိမ်းခြောက်မှုနဲ့ လုံးဝဆန့်ကျင်ဘက် ဖြစ်တယ်။ ဒါပေမဲ့ အကျင့်ပျက် စည်းမဲ့ကမ်းမဲ့ဖြစ်နေပြီး ချည့်နဲ့နေတဲ့ပြောက်ကျားတွေကတော့ အကြမ်းဖက်ခြိမ်းခြောက်တဲ့နည်းပရိယာယ်တွေ သုံးချင်သုံးလိမ့်မယ်။ အကြမ်းဖက်ခြိမ်းခြောက်မှုရဲ့သဘာဝက လူထုထောက်ခံမှုနဲ့လုံးဝဆန့်ကျင်ဘက် ဖြစ်တယ်။ ဒါကြောင့် အကျင့်ပျက်၊ သင်းကွဲဖြစ်နေတဲ့ စစ်သားတွေက အကြမ်းဖက်ခြိမ်းခြောက်လေ့ရှိတယ်။ အကြမ်းဖက်ခြိမ်းခြောက်မှုဆိုတာ… Read More »